Saturday, July 15, 2017

சிக்கன் ஊறுகாய் / Chicken pickle / Achari Murgh

சிக்கன் என்பது தவிர்க்க முடியாத உணவாகிவிட்டது.எத்தனை வெரைட்டி சிக்கனில் முயற்சி செய்தாலும் ஹிட் தான்.அப்படியொரு அபரிமிதமான டேஸ்ட் சிக்கனுக்கு உண்டு.
அப்படி முயற்சித்தது தான் சிக்கன் ஊறுகாய்.
 தேவையான பொருட்கள்;-
சிக்கன் விரும்பியபடி துண்டு போட்டுக் கொள்ளவும் - 1 கிலோ
மஞ்சள் தூள் - அரை டீஸ்பூன்
இஞ்சி,பூண்டு,பச்சை மிளகாய் விழுது -4  டேபிள்ஸ்பூன் (ஒரு முழு பூண்டு,அதே அளவு இஞ்சி, 4 பச்சை மிளகாய் (காரம் அவரவர் விருப்பம்))
தயிர் - அரை கப்
எலுமிச்சை ஜூஸ் - 2  டேபிள்ஸ்பூன்
வெங்காயம் -ஒரு பெரிய வெங்காயம்
தக்காளி - ஒரு பெரிய தக்காளி (நான் செர்ரி தக்காளி 100 கிராம்  வீட்டு தொட்டியில் விளைந்தது சேர்த்து செய்தேன்)
எண்ணெய் - 100 அல்லது 150 மில்லி சேர்க்கலாம்.
இனி ஊறுகாய் மசாலாவிற்கு :-
கடுகு,வெந்தயம்,வெங்காய விதை இருந்தால்( நைஜெல்லா சீட்) - தலா அரைடீஸ்பூன்,
மல்லி விதை - 1டீஸ்பூன்
சீரகம்,சோம்பு - தலா அரை டீஸ்பூன்
மிளகாய் வற்றல் - 2-4(காரம் அவரவர் விருப்பம்)
உப்பு - தேவைக்கு.

செய்முறை:-
சிக்கனை கட் செய்து  விரும்பிய படி துண்டு போட்டுக் கொள்ளவும். நான்கு முறை சுத்தமாகும் வரை அலசி இறுதியாக மஞ்சள் தூள் போல் அலசி தண்ணீர் வடித்து வைக்கவும்.
போன்லெஸ் சிக்கனிலும் செய்யலாம்.


 மேற் சொன்னபடி இஞ்சி,பூண்டு,  பச்சை மிளகாய் கொரகொரப்பாக அரைத்து வைக்கவும்.
 சிக்கனுடன் வெங்காயம்,தக்காளி,தயிர்,இஞ்சி பூண்டு பச்சை மிளகாய் விழுது,சுவைக்கு உப்பு கலந்து ஊற வைக்கவும்.
 அத்துடன் ஊறுகாய்க்கு பொடித்த மசாலா எண்ணெய் சேர்த்து விரவி வைக்கவும்.
ஒரு அடிகனமான பாத்திரத்தில் விரவிய சிக்கனை போட்டு மூடி வேக வைக்கவும்.
 நான் ஸ்லோ குக்கரில் வேக வைத்து எடுத்தேன்.

 சூப்பராகத் தயார் ஆனது.எலுமிச்சை ஜூஸ் சுவைக்கு தக்க சேர்க்கவும்.
 (சும்மா டேஸ்டிற்கு ஒரு உருளை கட் செய்து வேக வைத்து சேர்த்தும் பார்த்தேன்.) சேர்க்க தேவையில்லை.விரும்பினால் சேருங்க.
செமையாக இருந்தது. ரைஸ் அல்லது சப்பாத்தி, எந்த தானிய வகை ரொட்டியிடனும் பரிமாறலாம்.
ஃப்ரிட்ஜில் வைத்தும் எடுத்துச் சாப்பிடலாம்.

No comments: